మేడమ్‌ టుస్సాడ్స్‌లో చందమామ
సింగపూర్ లోని మేడమ్‌ టుస్సాడ్స్‌లో చందమామ కాజల్ మైనపు బొమ్మ కొలువుదీరింది. కుటుంబంతో కలిసి సింగపూర్‌కు చేరుకున్న కాజల్ స్వయంగా తన మైనపు బొమ్మని ఆవిష్కరించారు. తన మైనపు బొమ్మన చూసుకొని కాజల్ మురిసిపోయింది. దాని పక్కన నిల్చొని ఫోటోలకి పోజులిచ్చింది. దానికి సంబంధించిన ఫోటోలు, వీడియోలు ప్రస్తుతం సోషల్ మీడియాలో వైరల్ అవుతున్నాయి.
‘లక్ష్మీ కల్యాణం’ సినిమాతో తెలుగు తెరకు పరిచయం అయింది కాజల్. చందమామ. మగధీర సినిమాలతో స్టార్ హీరోయిన్స్ లిస్టులో చేరిపోయింది. టాలీవుడ్ లో స్టార్ హీరోలందరితోనూ ఆడిపోయింది. కోలీవుడ్ లోనూ స్టార్ హీరోయిన్ అనిపించుకుంది. బాలీవుడ్ లోనూ మెరిసింది. ఇప్పటికీ చందమామ కాజల్ హవా తగ్గలేదు. ప్రస్తుతం ఆమె శంకర్ దర్శకత్వంలో కమల్ హాసన్ నటిస్తున్న ఇండియన్ 2 సినిమాలో నటిస్తున్నారు.
ఇక, ఇప్పటికే పలువురు సినీ ప్రముఖల విగ్రహాలు సింగపూర్‌లోని మేడమ్‌ టుస్సాడ్స్‌లో కొలువుదీరిన సంగతి తెలిసిందే. దివంగత తార శ్రీదేవి, అనుష్క శర్మ, కరణ్‌ జోహార్‌ సహా టాలీవుడ్ హీరోలు ప్రభాస్‌, మహేష్ బాబు విగ్రహాలను మేడమ్‌ టుస్సాడ్స్‌ రూపొందించింది. ఇక దక్షిణాది నుంచి ఈ గౌరవం దక్కించుకున్న తొలి హీరోయిన్‌గా కాజల్ రికార్డుకెక్కారు.
Haha 😂🤣
Vishal started loving the statue more than you @MsKajalAggarwal #KajalMadameTussauds #KajalAggarwal pic.twitter.com/VlmAS4oUmw— KAFAWA🇮🇳 (@_KAFAWA_) February 5, 2020
