అఫిషియల్ : వచ్చే యేడాదికి వాయిదా పడిన ‘ఆర్ఆర్ఆర్’
ఎన్టీఆర్, రామ్ చరణ్ కథానాయకులుగా దర్శకధీరుడు రాజమౌళి తెరకెక్కిస్తోన్న మల్టీస్టారర్ ‘ఆర్ఆర్ఆర్’. ముందుగా ప్రకటించిన షెడ్యూల్ ప్రకారం జులై 30న ‘ఆర్ఆర్ఆర్’ ప్రేక్షకుల ముందుకు రావాల్సి ఉంది. ఐతే, షూటింగ్ లో జాప్యం వలన ‘ఆర్ఆర్ఆర్’ అక్టోబర్ కి వాయిదా పడనుందని.. కాదు కాదు వచ్చే యేడాది సంక్రాంతి కానుకగా రిలీజ్ కానుందనే ప్రచారం జరిగింది.
ఇప్పుడా ప్రచారమే నిజమైంది. ఆర్ఆర్ఆర్ వచ్చే యేడాది వాయిదా పడింది. వచ్చే యేడాది జనవరి 8న ఆర్ఆర్ఆర్ ని ప్రేక్షకుల ముందుకు తీసుకు రానున్నట్టు చిత్రబృందం అధికారికంగా ప్రకటించింది. ఐతే, వాయిదాకు గల కారణాలని మాత్రం పేర్కొనలేదు. ఈ సినిమా ప్రమోషన్స్ కార్యక్రమాల సమయంలోనే ఆర్ ఆర్ ఆర్ వాయిదాకు గల పూర్తి వివరాలు తెలియవచ్చే అవకాశం ఉంది.
‘ఆర్ఆర్ఆర్’లో కొమరంభీమ్ గా ఎన్టీఆర్, ఆయనకి జోడీగా హాలీవుడ్ హీరోయిన్ ఓలివియా మోరీస్ నటిస్తున్నారు. ఇక అల్లూరి సీతారామరాజుగా రామ్ చరణ్, ఆయనకి జోడిగా బాలీవుడ్ బ్యూటీ అలియా భట్ నటిస్తున్నారు. బాలీవుడ్ నటుడు అజయ్ దేవ్‌గన్ కీలక పాత్రలో కనిపించనున్నారు. కీరవాణి సంగీతం అందిస్తున్నారు. దాదాపు రూ. 400కోట్ల బడ్జెట్ తో డివివి దానయ్య నిర్మిస్తున్నారు.
RELEASING WORLDWIDE ON
JANUARY 8th 2021!#RRRMovie #RRROnJan8th pic.twitter.com/qonh1dI9sR
— DVV Entertainment (@DVVMovies) February 5, 2020
