బుట్టబొమ్మగా మారిన సాగరకన్య
సాగర కన్యగా తెలుగు ప్రేక్షకుల హృదయాల్లో నిలిచిపోయింది బాలీవుడ్ బ్యూటీ శిల్పాశెట్టి. విక్టరీ వెంకటేశ్‌ కథానాయకుడిగా తెరకెక్కిన ‘సాహస వీరుడు సాగర కన్య’ సినిమాతో తెలుగు తెరకు పరిచయమయ్యారు ఆమె. ‘సాగర కన్య’గా ఎందరో అభిమానులను సొంతం చేసుకున్నారు.
తాజాగా ఆమె స్టయిలీష్ స్టార్ అల్లు అర్జున్ నటించిన ‘అల..వైకుంఠపురములో’ చిత్రంలోని ‘బుట్టబొమ్మా.. బుట్టబొమ్మా’ సాంగ్‌కు డ్యాన్స్ చేస్తూ వీడియోను చిత్రీకరించారు. ప్రస్తుతం ఆ డ్యాన్స్ వీడియో సోషల్‌మీడియాలో వైరల్‌గా మారింది.’బుట్టబొమ్మా.. శిల్పా స్టైల్‌ అదుర్స్‌’ అని కామెంట్లు పెడుతున్నారు.
త్రివిక్రమ్‌-అల్లు అర్జున్ కాంబోలో వచ్చిన హ్యాట్రిక్ సినిమా ‘అల.. వైకుంఠపురంలో’. పూజాహెగ్డే కథానాయిక. సంక్రాంతి కానుకగా జనవరి 12న విడుదలైన బ్లాక్ బస్టర్ హిట్ అయింది. కలెక్షన్స్‌పరంగా కొన్ని ఏరియాల్లో ‘బాహుబలి’ రికార్డులను కొల్లగొట్టింది.
@theshilpashettyBhutta Booma Shilpa Shetty Style 💃 #bhuttabooma #telegu #lovedanceing #dancewithshilpa #duetwithme #fyp
