పవన్ బంగారం లుక్

జనసేన అధినేత, పవర్ స్టార్ పవన్ కల్యాణ్ ఇటు రాజకీయాలు, అటు సినిమాలని బ్యాలెన్స్ చేయాలనే నిర్ణయానికి వచ్చారు. ఈ నేపథ్యంలోనే సినిమాల్లోకి రీ-ఎంట్రీ ఇచ్చారు. వరుస సినిమాలని లైన్లో పెట్టేశారు. ఏకంగా మూడు సినిమాలని ప్రకటించేశారు. త్వరలో మరో రెండు సినిమాల ప్రకటనలు రావొచ్చని చెబుతున్నారు. ఇప్పటికే పింక్ రిమేక్ షూటింగ్ దాదాపు పూర్తయింది.

మరోవైపు, క్రిష్ దర్శకత్వంలో పవన్ సినిమా రెగ్యూలర్ షూటింగ్ ఇటీవలే ప్రారంభం అయింది. ఈ నెల 16 నుంచి ఈ సినిమా షూటింగ్ లో పవన్ పాల్గొననున్నారు. ఇదో పిరియాడికల్ డ్రామా. ఇందులో పవన్ మీసం కట్టు.. జుంపాల జుట్టుతో కనిపించనున్నారు. బుధవారం కర్నూలు పర్యటనకి వచ్చిన పవన్ ను చూస్తే.. బంగారం సినిమాలో పవన్ కనిపించిన లుక్ కి దగ్గరగా క్రిష్ సినిమాలో పవన్ లుక్ ఉండబోతుందని అర్థమవుతోంది. కొద్దిగా జుట్టు.. మీసం కట్టు ఎక్కువగా ఉండనుంది. మిగితాదంతా.. సేమ్ టు సేమ్ బంగారం లుక్ ని పోలీ వుంది. ఈ లుక్ లో పవన్ నెత్తిపైనే రాజకిరీటం పెడితే.. అదిరిపోయినట్టే.