‘ఆర్ఆర్ఆర్’ లీక్ చేయని కమెడియన్

ఎన్టీఆర్, రామ్ చరణ్ కథానాయకులుగా దర్శకధీరుడు రాజమౌళి ‘ఆర్ఆర్ఆర్’ తెరకెక్కుతోన్న సంగతి తెలిసిందే. బాహుబలి తర్వాత రాజమౌళి చేస్తున్న సినిమా ఇది. ఈ సినిమాలో ప్రధాన పాత్రల్లో ఎవరు నటిస్తున్నారనే విషయం తప్ప.. ఇతర నటీనటుల గురించి అస్సలు బయటికి తెలియడం లేదు. నిజంగానే ఆర్ఆర్ఆర్ నటీనటులు కూడా ఆ విషయాన్ని బయటపెట్టడం లేదు. బహుశా.. రాజమౌళి ఇచ్చిన స్ట్రాంగ్ వార్నింగ్ నే అందుకు కారణమై ఉంటుంది. 

కమెడియన్ రాహుల్ రామకృష్ణ ఆర్ఆర్ఆర్ నటిస్తున్నారు. ఓ కీలక పాత్రలో కనిపించనున్నారని కొద్దిరోజులుగా జోరుగా ప్రచారం జరుగుతోంది. ఇటీవల ఓ ఇంటర్వ్యూలో పాల్గొన్న రాహుల్ రామకృష్ణ దీనిపై స్పందించారు. అస్సలు తాను ఆర్ ఆర్ ఆర్ లో నటించడం లేదని క్లారిటీ ఇచ్చారు. నిజమా.. ? ఒకవేళ మీరు ఆర్ ఆర్ ఆర్ లో కనిపిస్తే.. తనకి సారీ చెప్పాలని యాంకర్ అనగా.. తనకు ఇది 7 ‘O’ క్లాక్ బ్లేడ్ మూమెంట్ అని సరదాగా టాపిక్ ముగించాడు. కానీ ఆర్ఆర్ఆర్ మేటర్ ని లీక్ చేయడం లేదు.

ఇక ఈ చిత్రంలో కొమరం భీమ్ గా ఎన్టీఆర్, ఆయనకి జోడీగా హాలీవుడ్ హీరోయిన్ ఒలివియా మోరీస్ నటిస్తున్నారు. అల్లూరి సీతారామరాజుగా రామ్ చరణ్, ఆయనకి జోడీగా బాలీవుడ్ బ్యూటీ అలియా భట్ నటిస్తున్నారు. బాలీవుడ్ హీరో అజయ్ దేవగణ్, కోలీవుడ్ నటుడు సముద్రఖనీ కీలక పాత్రలో నటిస్తున్నారు. వచ్చే యేడాది జనవరి 8న ఆర్ ఆర్ ఆర్ ప్రేక్షకుల ముందుకు రానుంది.