అందుకే బుమ్రా విఫలమయ్యాడు 

కివీస్‌తో మూడు వన్డేల సిరీస్‌లో భారత్‌ వైట్‌వాష్‌ కు గురైన సంగతి తెలిసిందే. ఈ సిరీస్ లో బుమ్రా ఒక్క వికెట్‌ కూడా తీయలేకపోవడం చర్చనీయాంశంగా మారింది. దీంతో అతడి బౌలింగ్‌పై సందేహాలు వ్యక్తమయ్యాయి. ఈ నేపథ్యంలోనే మాజీ పేసర్లు అతడికి అండగా నిలుస్తున్నాడు. బుమ్రా బౌలింగ్‌లో కివీస్‌ బ్యాట్స్‌మన్‌ జాగ్రత్తగా ఆడటం వల్లే అతడు వన్డే సిరీస్‌లో విఫలమయ్యాడని టీమ్‌ఇండియా మాజీ పేసర్‌ జహీర్‌ ఖాన్‌ తెలిపాడు.

‘కొన్నేళ్లుగా నిలకడగా రాణిస్తూ అత్యుత్తమ ప్రదర్శన చేస్తున్న బుమ్రాలా మంచి పేరు తెచ్చకుంటే ఎవరికైనా ఇలాంటి పరిస్థితులే ఎదురవుతాయి. ప్రస్తుతం బుమ్రా ఎలాంటి పరిస్థితిలో ఉన్నాడంటే.. ప్రత్యర్థి జట్లు అతడి బౌలింగ్‌లో 35 పరుగులు చేసినా వికెట్‌ కాపాడుకోడానికే ప్రాధాన్యం ఇస్తున్నాయి. అలా చేస్తే ఇతర బౌలర్లపై విరుచుకుపడొచ్చనే భావనలో ఉన్నాయి’ అని జహీర్‌ వివరించాడు.