ప్లాప్ దర్శకుడితో రామ్ చరణ్ సినిమా

ఎన్టీఆర్, రామ్ చరణ్ కథానాయకులుగా రాజమౌళి దర్శకత్వంలో ‘ఆర్ఆర్ఆర్’ తెరకెక్కుతోన్న సంగతి తెలిసిందే. ఈ సినిమా తర్వాత తారక్, చరణ్ లు చేయబోయే సినిమాలపై కొన్నాళ్లుగా ఆసక్తికర చర్చ జరుగుతోంది. తారక్ తదుపరి సినిమా త్రివిక్రమ్ తో అన్న సంగతి తెలిసిందే. దీనిపై ఇటీవలే అధికారిక ప్రకటన కూడా వచ్చింది. ఇక మిగిలింది రామ్ చరణ్ నే.

కొరటాల శివ దర్శకత్వంలో మెగాస్టార్ చిరంజీవి నటిస్తున్న సినిమాలో రామ్ చరణ్ కీలక పాత్రలో నటిస్తున్నారు. దాదాపు 40నిమిషాల పాత్రలో ఆయన కనిపిస్తారని.. ఆయనది సినిమాలో నక్సలైట్ పాత్ర అనే ప్రచారం జరుగుతోంది. అంతేకాదు.. సూపర్ స్టార్ మహేష్ బాబు కూడా చిరు152లో మెరుస్తారు. ఆయన కూడా నక్సలైట్ నే అని చెప్పుకొంటున్నారు. ఇక ఆర్ ఆర్ ఆర్ తర్వాత చరణ్ నటించేబోయే పూర్తి సినిమా కూడా కొరటాల శివ దర్శకత్వంలోనే ఉండనుందనే ప్రచారం ఉంది. అయితే దీనిపై క్లారిటీ లేదు.

ఇంతలో విక్రమ్ కె కుమార్ కు రామ్ చరణ్ గ్రీన్ సిగ్నల్ ఇచ్చాడనే ప్రచారం జరుగుతోంది. ‘మనం’ లాంటి సినిమా తీసిన విక్రమ్ కుమార్ 24, హలో, నాని గ్యాంగ్ లీడర్ సినిమాలతో నిరాశపరిచాడు. మధ్యలో స్టయిలీష్ స్టార్ అల్లు అర్జున్ తో ఓ సినిమా ఫిక్సయి.. క్యాన్సిల్ అయింది. దానికి కారణం కథ సరిగ్గా కుదరకపోవడమే కారణమనే ప్రచారం జరిగింది. ఇటీవల విక్రమ్ కుమార్ రామ్ చరణ్ ని కలిసి ఓకే కథ వినిపించారట. అది చరణ్ కి బాగా నచ్చడంతో వెంటనే ఓకే చెప్పేశారని.. ఆర్ ఆర్ ఆర్ తర్వాత విక్రమ్ కుమార్ తోనే చరణ్ సినిమా ఉండనుందని సమాచారమ్. ప్లాపుల్లో ఉన్న విక్రమ్ కుమార్ కి ఛాన్స్ ఇవ్వడం మాత్రం మెగా అభిమానులకి ఏమాత్రం ఇష్టంలేదని తెలుస్తోంది.