మహేష్.. ఓ ప్రయోగం !
సూపర్ స్టార్ మహేష్ బాబు ఓ ప్రయోగం చేయబోతున్నాడా ? అంటే.. అవుననే అంటున్నాయి ఇండస్ట్రీ వర్గాలు. ఈ యేడాది మహేష్ ‘సరిలేరు నీకెవ్వరు’ సినిమాతో బ్లాక్ బస్టర్ హిట్ అందుకున్నారు. ఆయన తదుపరి సినిమా వంశీ పైడిపల్లి దర్శకత్వంలో ఉండాల్సి ఉంది. ‘మహర్షి’ తర్వాత వీరిద్దరు కలవడంతో అంచనాలు భారీగా ఉంటాయని అందరు అనుకొన్నారు. కానీ, ఇప్పుడీ సినిమా వాయిదా పడిందనే ప్రచారం జరుగుతోంది. ఫైనల్ స్క్రిప్ట్ మహేష్ కి నచ్చకపోవడమే ఇందుకు కారణమట.
ఈ నేపథ్యంలో మహేష్ కొత్త కథలని వింటున్నారట. ఈ క్రమంలో ఇటీవల గరుడవేగ దర్శకుడు ప్రవీణ్ సత్తారు మహేష్ ని కలిసి ఓ కథని వినిపించారట. అది మహేష్ కి బాగా నచ్చిందట. అది థ్రిల్లింగ్ సబెక్ట్ అని చెబుతున్నారు. ఈ ప్రయోగాత్మక చిత్రంలో నటించేందుకు మహేష్ గ్రీన్ సిగ్నల్ ఇచ్చేసినట్టు సమాచారమ్. త్వరలోనే దీనిపై క్లారిటీ రానుంది. నిజానికి.. ఈ మధ్య మహేశ్ వరుసగా స్టార్ డైరెక్టర్స్ తోనే సినిమాలు చేస్తున్నారు. ఆ లైన్ ని బ్రేక్ చేసి మహేష్ ప్రవీణ్ సత్తారు సినిమా చేస్తాడేమో చూడాలి.
