టీమిండియా హ్యాట్రిక్ విక్టరీ

ఐసీసీ మహిళల టీ20 ప్రపంచకప్‌లో టీమ్‌ఇండియా అదరగొడుతోంది. హ్యాట్రిక్ విజయాలు నమోదు చేసింది. గురువారం న్యూజిలాండ్‌తో జరిగిన ఉత్కంఠ పోరులో భారత్‌ నాలుగు పరుగుల తేడాతో గెలుపొందింది.

134 పరుగుల స్వల్ప లక్ష్యాన్ని ఛేదించే క్రమంలో కివీస్‌ ఆరు వికెట్లు కోల్పోయి 129 పరుగులకే పరిమితమైంది. చివర్లో అమెలియా కెర్ర్‌(34; 18 బంతుల్లో 6×4) ధాటిగా ఆడినా కివీస్‌ గెలుపొందలేకపోయింది. అంతకుముందు టాస్ ఓడి మొదటి బ్యాటింగ్ చేసిన టీమిండియా నిర్ణీత 20 ఓవర్లలో 8 వికెట్ల నష్టానికి 133 పరుగులు మాత్రమే చేసింది. ఓపెనర్‌ షెఫాలీ వర్మ(34 బంతుల్లో 46: 4 ఫోర్లు, 3 సిక్సర్లు) రాణించారు. భాటియా(23) షెఫాలీకి సపోర్ట్ గా నిలిచింది.