వాళ్లందరూ.. ఓటమికి కారణమే : కోహ్లీ

న్యూజిలాండ్‌ చేతిలో 2-0తో టెస్టు సిరీస్‌ ని కోల్పోయింది టీమ్‌ఇండియా. ఈ ఓటమికి కెప్టెన్ విరాట్ కోహ్లీనే కారణం. ఆయన బ్యాటింగ్ లో విఫలమవ్వడం, కెప్టెన్ గా సరైన నిర్ణయాలు తీసుకోకపోవడమే కారణమనే ప్రచారం సోషల్ మీదియా వేదికగా జరుగుతోంది. అయితే, కోహ్లీ మాత్రం టెస్ట్ సిరీస్ ఓటమికి బ్యాటింగ్ నే కారమని తెలిపారు.

ఈ సిరీస్‌లో బ్యాటింగ్‌ విభాగం మొత్తం విఫలమైందని చెప్పాడు. ఇక్కడ చేసిన తప్పులను సమీక్షించుకొని వాటి నుంచి నేర్చుకుంటామని విరాట్‌ తెలిపాడు. సాధారణంగా టీమ్‌ఇండియా బ్యాటింగ్‌ జట్టు కావడంతో పోటీపడే పరుగులు చేస్తాం. అయితే, ఈ సిరీస్‌లో రాణించలేకపోయాం. మా బౌలింగ్‌ విభాగం మాత్రం చాలా బాగుందన్నారు.

బౌలర్ల శ్రమకు తగిన విధంగా బ్యాటింగ్‌ చేయలేకపోయాం. ఇది నిరాశ కలిగించేదే. వైస్ కెప్టెన్ రహేనాని కోహ్లీ వెనుకోసుకొచ్చాడు. బ్యాటింగ్ లో ఉమ్మడిగా విఫలం అయ్యాం. ఈ పరాజాయానికి బ్యాట్స్ మెన్స్ ఉమ్మడిగా బాధ్యతగా తీసుకుంటాం. అయినా చేసిన తప్పులను సరిదిద్దుకోవాల్సిన అవసరం ఉందన్నారు కోహ్లీ.