కొత్త లుక్’లోకి ధోని

టీమ్‌ఇండియా మాజీ సారథి, వికెట్‌ కీపర్‌ మహేంద్రసింగ్‌ ధోనీ తిరిగి క్రికెట్‌ ఆడేందుకు సిద్ధమయ్యాడు. దాదాపు 8 నెలల తర్వాత బ్యాట్‌ పట్టేందుకు చెన్నైకు చేరుకున్నాడు. ఈ నెల 29 నుంచి ఐపీఎల్‌ ప్రారంభమౌతున్న నేపథ్యంలో ధోనీ ఆదివారం చెన్నైకు చేరుకున్నాడు.

ఇక ఎప్పటికప్పుడు లుక్ ను మార్చుకోవడానికి ఇష్టపడే ధోని ఈ సారి కూడా సరికొత్త లుక్ లో దర్శనమిచ్చాడు. కొత్త హెయిర్ స్టైల్ తో మునుపటి కన్నా మరింత యంగ్ గా కనిపిస్తున్నాడు ధోని. ధోని కొత్తలుక్ ఫోటోలు సోషల్ మీడియాలో వైరల్ అవుతున్నాయి.

ధోనితో కలిసి చెన్నై ఆటగాళ్లు రాయుడు ,రైనా కూడా ప్రాక్టీస్ లో పాల్గొననున్నారు. అయితే చెన్నై టీం రెగ్యులర్ ప్రాక్టీస్ మాత్రం మార్చి 19నుండి ప్రారంభం కానుందని సమాచారమ్. ఐపీఎల్ 13వ సీజన్ మార్చి 29ప్రారంభం కానుండగా ఓపెనింగ్ మ్యాచ్ లో డిపెండింగ్ ఛాంపియన్ ముంబై ఇండియన్స్ తో తలపడనుంది చెన్నై.