కంగనా మరో అనుష్క కానుందా ?

స్వీటీ అనుష్క ‘జీరో సైజ్’ సినిమా కోసం భారీగా బరువు పెరిగిన సంగతి తెలిసిందే. ఆ బరువులు తగ్గించుకోవడానికి ఇప్పటికీ కష్టపడుతూనే ఉంది. కానీ మునుపటి ఫిజిక్ ని అందుకోలేకపోతుంది. ఇప్పుడు బాలీవుడ్ క్వీన్ కంగనా కూడా భారీగా బరువు పెరిగిందట. కంగనా ప్రధాన పాత్రలో జయలలిత బయోపిక్ ‘తలైవి’ తెరకెక్కుతోన్న సంగతి తెలిసిందే. ఈ చిత్రానికి ఏఎల్ విజయ్ దర్శకత్వం వహిస్తున్నారు.

ఈ సినిమా కోసం కంగనా ఏకంగా 20 కేజీల బరువు పెరిగిందట. తాజాగా కంగనా సోదరి రంగోలి చందేల్ తన ట్విట్టర్ వేదికగా తలైవీ సెట్‌లో కంగనా రనౌత్ దిగిన పిక్స్ షేర్ చేసింది. ఈ సినిమా కోసం కంగనా ఏకంగా 20 కేజీల బరువు పెరిగింది అని పేర్కొంది. తేజన్‌, దాకడ్ సినిమాలకి ముందు కంగనా ఈ నిర్ణయం తీసుకోవడం  విశేషం. తలైవి చిత్రానికి బాహుబలి రచయిత విజేంద్ర ప్రసాద్ కథని అందించారు. జూన్ 26న తలైవీ ప్రేక్షకుల ముందుకు రానుంది. 

Only last schedule to go for #Thalaivi Kangana has gained 20 kgs weight, After 2 months she starts #Tejas & #Dhaakad…. will she be able to shed that weight, let’s see 😛 pic.twitter.com/CC410XdPuj

— Rangoli Chandel (@Rangoli_A) March 4, 2020