‘జల్సా’ హిట్టయిందన్న విషయం తెలీదు : పవన్

అజ్ఞాత వాసి ఆడియో వేడుక‌లో ప‌వ‌న్ ఏం మాట్లాడ‌తారో అనే ఆత్రుత అభిమానుల్లో సాధార‌ణంగా ఉంటుంది. అన్ని ఆడియో వేడుక‌ల్లో కంటే ఈ ఆడియో వేడుక‌లో ప‌వ‌న్ కాస్త డిఫ‌రెంట్ గా మాట్లాడారు. త‌న ఓట‌మిలో కూడా స‌పోర్ట్ గా ఉన్న వాడు ద‌ర్శ‌కుల్లో ఒక త్రివిక్ర‌మ్ మాత్ర‌మేనంటూ చెప్పుకొచ్చారు.

తాను ఎప్పుడూ ఒంటరిగా ఉండేవాడిన‌ని, నిరాశా ,నిస్పృహ‌ల్లో ఉన్న‌పుడు త‌న‌లో ఉత్తేజం నింపేవాడ‌ని ప‌వ‌న్ త్రివిక్ర‌మ్ ను ఆకాశానికెత్తారు. ప‌రాజ‌యాల‌తో కొట్టుమిట్టాడుతున్న‌పుడు జ‌ల్సా క‌థ‌ను త‌న‌తో చేయించాడ‌ని ఆయ‌న చెప్పారు. జ‌ల్సా సినిమా విజ‌య‌వంత‌మైంద‌ని, దానిక డబ్బులు వ‌చ్చాయ‌నే సంగ‌తి కూడా త‌న‌కు తెలియ‌ద‌ని, తాను అంత డిప్రెష‌న్ లో ఉండేవాడిన‌ని ప‌వ‌న్ చెప్పారు. త్రివిక్ర‌మ్ త‌న సినీ గ‌మ‌నంలో ఎంతో స‌హ‌క‌రించార‌ని, ప‌ర్స‌న‌ల్ గా కూడా త‌న‌లో ఉత్తేజం నింపేలా ఎంతో అండ‌గా నిల‌బ‌డ్డార‌ని చెప్పారు.