హోలీ వేడుకల్లో ప్రియాంక-నిక్
కరోనా వైరస్‌ను నియంత్రించేందుకు సామూహిక సమావేశాలు తక్కువగా చేయాలని ప్రపంచ దేశాలు సూచిస్తున్నాయి. ఈ నేపథ్యంలోనే ఈ సారి హోలీ వేడుకలకి దూరం ఉండాలని ప్రధాని నరేంద్ర మోడీ నిర్ణయం తీసుకున్నారు. అయితే బాలీవుడ్ తారలు మాత్రం హోలీకి దూరంగా ఉండలేకపోతున్నారు. ఐదు రోజుల ముందే హోలీ వేడుకల్లో పాల్గొన్నారు. శుక్రవారం ముఖేష్‌ అంబానీ కూతురు ఇషా అంబానీ.. తన భర్త ఆనంద్‌ పిరమల్‌తో కలిసి ముంబైలో హోలీ పార్టీ ఏర్పాటు చేశారు.
ఈ వేడుకకు అంబానీ కుటుంబ సభ్యులు, పారిశ్రామిక వర్గానికి చెందిన ప్రముఖులతో పాటు బాలీవుడ్ తారలు హాజరైయ్యారు. భర్త నిక్ జోనాస్‌తో కలిసి ప్రియాంక చోప్రా , కత్రినా కైఫ్‌, విక్కీ కౌశల్‌, జాక్వెలిన్‌ ఫెర్నాండెజ్‌, సోనాలి బింద్రే, హ్యూమా ఖురేషి తదితరులు పార్టీలో పాల్గొన్నారు. ప్రస్తుతం ఈ వేడుకలకి సంబంధించిన ఫోటోలు సోషల్ మీడియాలో వైరల్ అవుతున్నాయి. రంగుల్లో తడిసిన బట్టలతో ప్రియాంక్-నిక్ ల ఫోటోలు ప్రత్యేక ఆకర్షణగా నిలుస్తున్నాయి.
