రోహిత్ శర్మ కోచ్ దగ్గర అర్జున్ రెడ్డికి శిక్షణ

బాలీవుడ్ అర్జున్ రెడ్డిగా మెప్పించారు షాహిద్ కపూర్. టాలీవుడ్ లో సంచలన విజయం సాధించిన అర్జున్ రెడ్డి బాలీవుడ్ లో కబీర్ సింగ్ గా రిమేక్ అయి బ్లాక్ బస్టర్ హిట్ అయిన సంగతి తెలిసిందే. ఈ చిత్రానికి మాతృక దర్శకుడు సందీప్ వంగా దర్శకత్వం వహించారు. షాహిద్ కపూర్ కి జంటగా కైరా అద్వానీ నటించింది.

కబీర్ సింగ్ తర్వాత మరోసారి తెలుగు సినిమా రిమేక్ నే ఎంచుకున్నాడు షాహిద్ కపూర్. ప్రస్తుతం జెర్సీ రిమేక్ లో నటిస్తున్నారాయన. ఇందులో షాహిద్ క్రికెటర్ పాత్రలో కనిపించనున్నాడు. అత్యుత్తమ బ్యాటింగ్‌ నైపుణ్యాలను ప్రదర్శించడానికి టీమిండియా క్రికెటర్‌ రోహిత్‌ శర్మ కోచ్‌ దినేష్‌ లాడ్‌ దగ్గర బ్యాట్‌ పట్టుకుని ప్రాక్టీస్‌ చేస్తున్నారు. బ్యాటింగ్ స్కిల్స్ కూడా నేర్చుకుంటున్నాడు. ప్రస్తుతం బాలీవుడ్ జెర్సీ ప్రీ ప్రొడక్షన్ పనులు జరుగుతున్నాయి. అవి పూర్తవ్వగానే రెగ్యూలర్ షూటింగ్ మొదలవ్వనుంది. బాలీవుడ్ జెర్సీని టాలీవుడ్ నిర్మాత దిల్ రాజు నిర్మిస్తుండటం విశేషం. ఈ చిత్రానికి మాతృక దర్శకుడు గౌతమ్ తిన్ననూరి దర్శకత్వం వహిస్తున్నారు.