అల్లు అర్జున్ కొత్త లుక్.. కేక !

స్టయిలీష్ స్టార్ అల్లు అర్జున్ కొత్త లుక్ లోకి మారిపోయారు. ఈ యేడాది ‘అల.. వైకుంఠపురంలో’ సినిమాతో బ్లాక్ బస్టర్ హిట్ అందుకున్నారు బన్నీ. సంక్రాంతి కానుకగా ప్రేక్షకుల ముందుకొచ్చిన అల.. ఇండస్ట్రీ హిట్ గా నిలిచింది. సంక్రాంతి విజేత అనిపించుకుంది. ఏకంగా రూ. 200కోట్లకిపైగా షేర్ ని కలెక్ట్ చేసింది. కొన్ని చోట్ల నాన్ బాహుబలి రికార్డులని క్రాస్ చేసింది.
ఈ ఆనందంలో తన తదుపరి సినిమా కోసం రెడీ అవుతున్నాడు బన్నీ. సుకుమార్ దర్శకత్వంలో బన్నీ నెక్ట్స్ తెరకెక్కనుంది. ఎర్రచందనం స్మగ్లింగ్ నేపథ్యంలో ఈ సినిమా ఉండనుంది. ఇందులో బన్నీ లారీ డ్రైవర్ పాత్రలో కనిపించబోటున్నట్టు ప్రచారం జరుగుతోంది. ఇటీవలే బన్నీ లుక్ ని కూడా ఖరారు చేశారు. తాజాగా ఆ లుక్ బయటికొచ్చింది.

బన్నీ బాడీగార్డ్ బర్త్ డే ఫంక్షన్ లో బన్నీ పాల్గొన్నారు. ఈ సందర్భంగా దిగిన ఫోటోలో బన్నీ గడ్డెం లుక్ లో ఊరమాస్ గా కనిపిస్తున్నారు. బన్నీ కొత్త లుక్ కేక అంటూ అభిమానులు కామెంట్స్ పెడుతున్నారు. ఇక ఈ సినిమాలో బన్నీకి జంటగా రష్మిక మందన నటిస్తున్నారు. దేవిశ్రీ ప్రసాద్ సంగీతం అందిస్తున్నారు. త్వరలోనే రెగ్యూలర్ షూటింగ్ మొదలుకానుంది.