కాజల్ టైం చూసి కొడుతోంది

డిమాండ్-సప్లై సూత్రం మీదే సినీ ఇండస్ట్రీ నడుస్తుంటుంది. అవసరం మనదైనప్పుడు అడిగినంత ఇవ్వాల్సిందే. ఇప్పుడు కాజల్ అవసరం మెగాస్టార్ చిరంజీవికి వచ్చింది. కొరటాల శివ దర్శకత్వంలో మెగాస్టార్ ‘ఆచార్య’ తెరకెక్కుతోన్న సంగతి తెలిసిందే. ఈ సినిమా కోసం త్రిషని హీరోయిన్ గా తీసుకున్నారు. అయితే ఆమె సడెన్ గా సినిమా నుంచి తప్పికున్నట్టు ప్రకటించి.. షాక్ ఇచ్చింది.

ఈ నేపథ్యంలో త్రిష స్థానంలో కాజల్ ని తీసుకోవాలని కొరటాల డిసైడ్ అయినట్టు తెలుస్తోంది. ఇప్పటికే కొరటాల కాజల్ ని సంప్రదించారట. అయితే కాజల్ మాత్రం అధిక పారితోషికం డిమాండ్ చేస్తుందట. ఎంతంటే ? ఇప్పటి వరకు తీసుకోనంత అడుగుతుందట. కాజల్ అవసరం కాబట్టీ.. ఆమె అడిగినంత ఇచ్చేందుకు చిత్రబృందం ఓకే చెప్పేలా ఉందని తెలుస్తోంది.

ఇక ఆచార్యలో మెగాస్టార్ మాజీ నక్సలైట్ గా, దేవాదాయ శాఖలో పనిచేసే ప్రభుత్వ ఉద్యోగిగా కనిపించబోతున్నట్టు తెలుస్తోంది. సినిమాలో 30నిమిషాల నివిడిగల ప్రత్యేక పాత్ర ఒకటి ఉంది. ఇందులో సూపర్ స్టార్ మహేష్ గానీ, రామ్ చరణ్ గానీ నటిస్తారనే ప్రచారం జరుగుతోంది. ఈ చిత్రానికి మణిశర్మ సంగీతం అందిస్తున్నారు. ఆగస్టులో ఆచార్య ప్రేక్షకుల ముందుకు రానున్నాడు.