ఆమిర్‌ ఖాన్‌… దిండు కథేంటీ ?
అమీర్ విమానంలో దిండుని పట్టుకుని నిద్రపోతున్నప్పుడు తీసుకున్న ఫొటో హీరోయిన్ కరీనా కపూర్‌ తన ఇన్‌స్టాగ్రామ్‌ ఖాతాలో షేర్ చేసింది. ‘నాకు ఇష్టమైన సహ నటుడు ఆమిర్‌ ఖాన్‌… దిండు!’ అంటూ క్యాప్షన్‌ పెట్టింది. ఆమిర్‌ ఖాన్‌కు పుట్టినరోజు శుభాకాంక్షలు తెలిపారు. ఇప్పుడీ ఈ ఫొటో అభిమానుల్ని ఆకట్టుకుంది. సోషల్ మీడియాలో వైరల్ అవుతోంది.
ఇక అమీర్-కరీనాలది హిట్ పెయిర్. వీరిద్దరూ కలిసి 2009లో వచ్చిన ‘3 ఇడియట్స్‌’, 2012లో వచ్చిన ‘తలాష్‌’ సినిమాలో నటించారు. మళ్లీ ఇన్నేళ్లకు ‘లాల్‌ సింగ్‌ చద్దా’ సినిమాలో కనిపించనున్నారు. ఆమిర్‌తో ‘తారే జమీన్‌ పర్‌’, ‘సీక్రెట్‌ సూపర్‌స్టార్‌’ సినిమాలను తీసిన అధ్వైత్‌ చందన్‌ దీనికి దర్శకత్వం వహిస్తున్నారు. ఈ సినిమా 2020 క్రిస్మస్‌కి ప్రేక్షకుల ముందుకి వచ్చే అవకాశం ఉంది.
