బిగ్ బీ ఫ్యాన్స్ మీట్ క్యాన్సిల్

బాలీవుడ్ మెగాస్టార్ అమితాబ్ బచ్చన్ కి ఓ మంచి అలవాటుంది. ఆయన ప్రతి ఆదివారం తన ఇంటికి వచ్చిన అభిమానులతో ముచ్చటిస్తారు. ఈ సందర్భంగా అభిమానులందరినీ ఆప్యాయంగా పలకరిస్తుంటారు. అయితే ఈ ఆదివారం అభిమానులెవ్వరు తన ఇంటికి రావొద్దని బిగ్ బీ కోరారు. ఈ మేరకు సోషల్ మీడియా ద్వారా విజ్ఝప్తి చేశారు. దేశవ్యాప్తంగా కరోనా ప్రమాదం నేపథ్యంలో ఈ వారం ఫ్యాన్స్ మీట్ ని రద్దు చేసుకున్నట్టు ప్రకటించారు. కరోనా ప్రభావం పూర్తిగా తగ్గే వరకు అభిమానులను కలవమని స్పష్టం చేశారు.

 ఇక కరోనా ప్రభావం ప్రతి రంగంపైనా ప్రభావం చూపిస్తున్న సంగతి తెలిసిందే. కరోనా ఎఫెక్ట్ తో సినిమా షూటింగ్స్ క్యాన్సిల్ అవుతున్నాయి. రిలీజ్ డేట్స్ వాయిదా పడుతున్నాయి. సినీ వేడుకలని కూడా వాయిదా వేస్తున్నారు. కరోనా ప్రభావంతో.. ఈ నెల 29 నుంచి జరగాల్సిన ఐపీఎల్ సీజన్ 13 వాయిదా పడిన సంగతి తెలిసిందే. బీసీసీ ఆధ్వర్యంలో జరిగే టోర్నీలన్నీ క్యాన్సిల్ అయ్యాయి.