ఐపీఎల్-13 రద్దు ?
దేశంలో కరోనా మహమ్మారి రోజురోజూకి విజృంభిస్తోంది. పరిస్థితులు ఇలాగే కొనసాగితే.. ఐపీఎల్-13వ సీజన్‌ పూర్తిగా రద్దయ్యే అవకాశాలు కనిపిస్తున్నాయి. ఈ నెల 29 నుంచి ప్రారంభం కావాల్సిన ఐపీఎల్ ని ఏప్రిల్ 15కి వాయిదా వేసిన సంగతి తెలిసిందే. అయితే అప్పటి వరకు పరిస్థితులు అదుపులోనికి వచ్చేలా కనిపించడం లేదు. అదే జరిగితే ఈ యేడాది ఐపీఎల్ రద్దయినట్టేనని చెబుతున్నారు.
ప్రస్తుతం దేశంలో 415 కేసులు నమోదు కాగా ఏడుగురు వ్యక్తులు మృతిచెందారు. దేశవ్యాప్తంగా 82 జిల్లాల్లోలాక్‌డౌన్‌ ప్రకటించింది కేంద్రం. 19 రాష్ట్రాల్లో పూర్తిగా లాక్‌డౌన్‌ కొనసాగుతోంది. ప్రజల ఆరోగ్య భద్రత కోసమే ఈ కఠిన నిర్ణయాలు తీసుకున్నారు. ఈ నేపథ్యంలో ఐపీఎల్ రద్దు గురించి పెద్దగా ఆలోచించాల్సిన అవసరం లేదేమో.. !
