ప్రకాష్ రాజ్.. కరోనా సాయం !
కష్ట సమయంలో సాయం చేయమని చెప్పడం కాదు. చేసి చూపించాలి. ఇప్పుడు నటుడు ప్రకాష్ రాజ్ అదే చేశారు. తన ఇంట్లో పనిచేసేవాళ్లకి, తన వ్యక్తిగత సిబ్బందికి మే నెల వరకూ ఇవ్వాల్సిన జీతాలను ప్రకాశ్‌ రాజ్ ముందే అందించేశారు. కరోనా ఎఫెక్ట్ తో సినిమా షూటింగ్స్ వాయిదా పడ్డాయి. ప్రస్తుతం ప్రకాష్ నటిస్తున్న మూడు సినిమాల షూటింగ్స్ వాయిదా పడ్డాయి.
దీంతో ఆయా సినిమాల కోసం పనిచేసే కొందరికి పనుల్లేక ఆర్థికంగా ఇబ్బంది పడుతున్నారు. ఈ నేపథ్యంలో నటుడు ప్రకాశ్‌రాజ్‌.. తన దగ్గర పనిచేసే వాళ్లందరికీ మే నెల వరకూ జీతాలను ముందే ఇచ్చేశారు. నా నివాసం, వ్యవసాయ క్షేత్రంలో పనిచేస్తున్న వారితోపాటు నా వ్యక్తిగత సిబ్బందికి మే నెల వరకూ ఇవ్వాల్సిన జీతాలను ముందే చెల్లించాను. నేను ఎంతవరకూ సాయం చేయగలనో అంతవరకూ చేస్తాను. మీ చుట్టూ ఉన్నవారికి వీలైనంత సాయం చేయండి. ఒకరికోసం ఒకరూ సాయం చేసుకోవాల్సిన సమయమిదని ప్రకాశ్‌ రాజ్ ట్విట్ చేశారు.
