కరోనాపై యుద్ధం కోసం నితిన్ రూ.10లక్షల విరాళం

కరోనా మహమ్మారిపై యుద్ధం ప్రకటించాల్సిన సమయమిది. ఇందుకోసం టాలీవుడ్ యంగ్ హీరో నితిన్ రూ. 10లక్షల విరాళం ప్రకటించారు. ఈ మొత్తాన్ని ముఖ్యమంత్రి సహాయనిధికి అందిస్తున్నట్టు నితిన్ ప్రకటించారు. కరోనాపై యుద్ధానికి విరాళం ఇచ్చిన తొలి టాలీవుడ్ హీరో నితిన్ నే. దీంతో ఆయనపై నెటిజన్స్ ప్రశంసలు కురిపిస్తున్నారు. నితిన్ రియల్ హీరో అంటూ కామెంట్స్ పెడుతున్నారు.

అంతకుముందు వేదాంత గ్రూప్స్ చైర్మన్ అనిల్ అగర్వాల్ ఉదాత్త మనసును చాటుకున్నారు. దేశంలో కరోనా వైరస్‌తో పోరాడడానికి వంద కోట్ల భారీ విరాళాన్ని ఆదివారం ప్రకటించారు. దేశానికి అత్యవసరమైన అవసరం ఉన్నప్పుడు ఈ నిధి ఉపయోగపడుతుందని ఆయన పేర్కొన్నారు. రోజువారి కార్మికులను ఆదుకోవడం కోసం రాజశేఖర్ దంపతులు ముందుకొచ్చారు. నిరుపేద కళాకారులకు పది రోజులకు సరిపడా నిత్యావసర వస్తువులను పంపిణీ చేయబోతున్నట్లు రాజశేఖర్ దంపతులు ప్రకటించారు. నటుడు ప్రకాష్ రాజు తన దగ్గర పనిచేసే వారికి మే నెల వరకు జీతాలు అందజేసిన సంగతి తెలిసిందే.