బాబాయ్ స్పూర్తితో అబ్బాయ్ రూ. 70లక్షల సాయం
నేను సైతం కరోనా సాయం అంటున్నారు టాలీవుడ్ స్టార్స్. కరోనా కట్టడి కోసం కేంద్ర, రాష్ట్ర ప్రభుత్వాలు తీవ్రంగా శ్రమిస్తున్న సంగతి తెలిసిందే. అయితే ఈ కఠిన సమయాన సినీ స్టార్స్ ముందుకొస్తున్నారు. తమ వంతు సాయం చేస్తున్నారు. జనసేన అధినేత, పవర్ స్టార్ పవన్ కల్యాణ్ కరోనా కట్టడి కోసం తన వంతు సాయంగా కేంద్రానికి కోటి రూపాయలు, రెండు తెలుగు రాష్ట్రాలకి కలిపి కోటి రూపాయలు సాయం చేస్తున్నట్టు ప్రకటించారు.
ఇప్పుడు పవన్ ని ఆదర్శంగా తీసుకొని రామ్ చరణ్ సాయం ప్రకటించారు. కేంద్రానికి అలాగే రెండు తెలుగు రాష్ట్రాల ప్రభుత్వాలకు అండగా నిలబడడానికి రామ్ చరణ్ 70లక్షల రూపాయలను విరాళంగా ప్రకటించాడు. ఈ సందర్బంగా చరణ్ ,ట్విట్టర్ లో ఓ లేఖ ను కూడా పోస్ట్ చేశాడు. “తన బాబాయి పవన్ కళ్యాణ్ స్ఫూర్తి తో ఈ విపత్కర పరిస్థుతుల్లో నేను కూడా ప్రభుత్వాలకు అండగా నిలువాలనుకున్నాను అందుకే నా వంతు బాధ్యతగా 70 లక్షలు విరాళంగా ప్రకటిస్తున్నా”నని తెలిపారు.
Welcome brother! A great way to enter! Inspiring! #RamCharanOnTwitter @AlwaysRamCharan https://t.co/HFy0p64BqO
— S S Karthikeya (@ssk1122) March 26, 2020
