వెయ్యి దాటిన కరోనా కేసులు

ప్రపంచ దేశాలని వణికిస్తున్న కరోనా వైరస్.. భారత్ లోనూ విజృంభిస్తోంది. తాజాగా కరోనా పాజిటివ్‌ కేసుల సంఖ్య 1024కి చేరింది. వీరిలో 96 మంది ఈ వైరస్‌ నుంచి కోలుకోగా, ఇప్పటి వరకు 27 మంది మృత్యువాతపడ్డారు. అయితే ఇటీవలే అంతార్జాతీయ విమాన సర్వీసులు మూసివేసిన నేపథ్యంలో ఈ వారంలో కొత్త కరోనా కేసులు నమోదు తగ్గుముఖం పట్టే అవకాశం ఉందని చెబుతున్నారు.

కరోనా తీవ్రత అధికంగా ఉన్న మహారాష్ట్రలో కరోనా కేసుల సంఖ్య 203కి చేరింది. ఆదివారం ఒక్కరోజే 22 కొత్త కేసులు నమోదు అయ్యాయి. కర్ణాటకలో కొత్తగా ఏడుగురు కరోనా బారిన పడ్డారు. దీంతో రాష్ట్రంలో మొత్తం కరోనా కేసుల సంఖ్య 83కి చేరింది. గుజరాత్‌లో ఆదివారం మరో ఐదుగురికి కరోనా పాజిటివ్ నిర్థారణ అయింది. ఇక తమిళనాడులో కరోనా కేసు సంఖ్య 42కి చేరింది. కేరళలో కరోనా కేసుల సంఖ్య 202కి చేరింది. గోవాలో5, దిల్లీలో 72, పశ్చిమబెంగాల్‌ 17 కరోనా కేసులు నమోదయ్యాయ్.