‘సూపర్+స్పైడర్’మాన్ కలయికే ఆర్ఆర్ఆర్ !

ఎన్టీఆర్, రామ్ చరణ్ కథానాయకులుగా దర్శకధీరుడు రాజమౌళి తెరకెక్కిస్తున్న మల్టీస్టారర్ ‘రౌద్రం రణం రుధిరం’ (ఆర్ఆర్ఆర్). ఇందులో అల్లూరి సీతారామరాజుగా చెర్రీ, కొమరం భీమ్‌గా తారక్‌ నటిస్తున్నారు. అలియా భట్‌, ఒలివియా మోరిస్‌ కథానాయికలు. రామ్ బర్త్ డే కానుకగా వచ్చిన ‘భీమ్ ఫర్ రామరాజు’కి మంచి స్పందన వచ్చింది.

తాజాగా రాజమౌళి ఓ బాలీవుడ్‌ మీడియాకు ఇంటర్వ్యూ ఇచ్చారు. ‘ఆర్‌.ఆర్‌.ఆర్‌’ మోషన్‌ పోస్టర్‌ గురించి ముచ్చటించారు. ‘ఆర్‌.ఆర్‌.ఆర్‌’లో ఇద్దరు హీరోలు ఉన్నారు. వారికి ఎక్కువ మంది ఫ్యాన్స్‌ ఉన్నారు. అలాగని వారితో సినిమా తీయడాన్ని భారంగా భావించలేదు. నా చిన్నతనంలో కామిక్‌ పుస్తకాలు చదివినప్పుడు సూపర్‌మ్యాన్‌, స్పైడర్‌ మ్యాన్‌ లాంటి ఇద్దరు హీరోలు కలిస్తే బాగుంటుందనే ఆలోచనలు ఉండేవి. ఇప్పుడు ఈ సినిమాకు అలా అన్నీ కలిసి వచ్చాయి. చరణ్‌, ఎన్టీఆర్‌ మంచి స్నేహితులు. ఇప్పుడు సినిమాకు వారి బంధం ఉపయోగపడుతోంది’ అన్నారు.  2021 జనవరి 8న చిత్రాన్ని ప్రేక్షకుల ముందుకు తీసుకురావడానికి సన్నాహాలు చేస్తున్నారు.