పవన్ టైటిల్ ‘విరూపాక్షి’.. ఫిక్స్ !
మూడేళ్ల తర్వాత సినిమాల్లోకి రీ ఎంట్రీ ఇచ్చిన పవర్ స్టార్ పవన్ కల్యాణ్ వరుసగా మూడు సినిమాలని లైన్ లో పెట్టేశాడు. వకీల్ సాబ్ దాదాపు షూటింగ్ పూర్తికావొస్తోంది. ఒక్క షెడ్యూల్ మాత్రమే మిగిలివుంది. ఈ సినిమాకి యువ దర్శకుడు వేణు శ్రీరామ్ దర్శకత్వం వహిస్తున్నారు. బోనీ కపూర్ తో కలిసి దిల్ రాజు నిర్మిస్తున్నారు.
మరోవైపు క్రిష్ దర్శకత్వంలో పవన్ సినిమా కూడా సెట్స్ మీదకి వెళ్లింది. వకీల్ సాబ్ పూర్తికాగానే క్రిష్ సినిమా షూటింగ్స్ లో పాల్గొననున్నారు పవన్. ఈ సినిమా కోసం మొదటి నుంచి ‘విరూపాక్షి’ అనే టైటిల్ వినిపిస్తుంది. తాజాగా ఈ టైటిల్ ని ఫిల్మ్ ఛాంబర్ లో రిజిస్టర్ చేయించారు క్రిష్. దీంతో.. ఇది పవన్ సినిమా కోసమేనని చెప్పుకొంటున్నారు.
ఓ చారిత్రక కథాంశం నేపథ్యంలో ఈ సినిమా సాగుతోందని, కోహినూర్ వజ్రం దొంగలించే దొంగ పాత్రలో పవన్ నటిస్తున్నారని టాలీవుడ్ వర్గాల సమాచారం. ఇక ఈ సినిమా పూర్తయిన తర్వాత హరీష్ శంకర్ దర్శకత్వంలో పవన్ సినిమా ఉండనుంది. గబ్బర్ సింగ్ తర్వాత వీరి కలయికలో రాబోతున్న రెండో సినిమా ఇది.
