అనుపమ.. ఓ ప్రయోగం !
లేడీ ఓరియెంటెడ్ సినిమాతో ప్రేక్షకులని మెప్పించడం అంత ఈజీ కాదు. స్టార్ హీరోయిన్లే అది తలకి మించిన భారంగా భావిస్తుంటారు. ప్రస్తుతం ఉన్న స్టార్ హీరోయిన్లలో అనుష్క, నయనతార, త్రిష, సమంత లకు మాత్రమే ఆ దమ్ము ఉందని చెబుతుంటారు. ఇప్పుడు యంగ్ హీరోయిన్ అనుపమ కూడా ప్రయోగం చేసేందుకు రెడీ అయింది.
హీరోయిన్ ఓరియెంటెడ్ చిత్రంలో నటించడానికి అనుపమ అంగీకరించింది. కొత్త దర్శకుడు హనుమాన్ చౌదరి ఈ చిత్రానికి దర్శకత్వం వహిస్తున్నాడు. ప్రస్తుతం కరోనా ఫీవర్ కొనసాగుతోంది. అది తగ్గాక అనుపమ సినిమా మొదలుకానుంది. ఇక అనుపమ ప్రస్తుతం నిన్నుకోరి తమిళ రిమేక్ లో నటిస్తున్నారు.
