పుష్ప నుంచి మరోటి
స్టయిలీష్ స్టార్ అల్లు అర్జున్ అభిమానులకి పుట్టినరోజు కానుకని అందించారు. సుకుమార్ దర్శకత్వంలో ఆయన నటిస్తున్న సినిమా అప్ డేట్ ని అందించారు. ఈ సినిమాకి ‘పుష్ప’ అనే టైటిల్ పెట్టారు. బన్నీ ఫస్ట్ లుక్ ని విడుదల చేశారు. ఇందులో బన్నీ ఊరమాస్ లుక్ లో కనిపిస్తున్నారు.
ఈ లుక్ వచ్చిన కొద్దిసేపటికే పుష్ప నుంచి మరో పిక్ వచ్చేసింది. ఇందులో బన్నీ పోలీస్ స్టేషన్ లో కనిపిస్తున్నాడు. ఆయన్న పోలీసులు పోలీస్ స్టేషన్ కి ఊడ్చుకొచ్చిన సన్నివేశానికి సంబంధించిన పిక్ లా ఉంది. ఈ పిక్ చూస్తే అర్థమవుతోంది బన్నీ క్యారెక్టర్ ఎంత ఊరమాస్ గా ఉండబోతుంది అనేది.
ఇక ఎర్రచందనం స్మగ్లింగ్ నేపథ్యంలో ఈ సినిమా ఉండనుంది. ఇందులో బన్నీ రెండు డిఫరెంట్ పాత్రల్లో కనిపిస్తాడనే ప్రచారం జరుగుతోంది. ఈ చిత్రంలో రష్మిక మందన కథానాయి. దేవిశ్రీ ప్రసాద్ సంగీతం అందిస్తున్నారు.
