మాజీ ఎమ్మెల్యే కావేటి సమ్మయ్య కన్నుమూత

టీఆర్ఎస్ సీనియర్ నేత, మాజీ ఎమ్మెల్యే కావేటి సమ్మయ్య(68) కన్నుమూశారు. గత కొంతకాలంగా అనారోగ్యంతో బాధపడుతన్న సమ్మయ్య ఆయన స్వగృహంలో కన్నుమూశారు.

2009, 2011 సంవత్సరంలో టీఆర్‌ఎస్‌ పార్టీ తరపున సిర్పూర్ ఎమ్మెల్యేగా పోటీ చేసి గెలుపొందారు సమ్మయ్య. 2014వ సంవత్సరంలో జరిగిన ఎన్నికల్లో బీఎస్పీ అభ్యర్థి కోనేరు కోనప్ప చేతిలో ఓటమి పాలయ్యారు.

కావేటి సమ్మయ్య మరణం పట్ల ముఖ్యమంత్రి కేసీఆర్ తీవ్ర దిగ్భ్రాంతి వ్యక్తం చేశారు. ఆయన చేసిన సేవలను గుర్తు చేసుకున్నారు. వారి కుటుంబ సభ్యులకు ప్రగాఢ సానుభూతి తెలిపారు. ఆయన ఆత్మకు శాంతి చేకూరాలని భగవంతుడిని ప్రార్థిస్తున్నట్టు సీఎం కేసీఆర్ పేరొన్నారు.