కరోనా మృతులు @199

దేశంలో కరోనా వైరస్‌ రోజురోజూకి విజృంభిస్తోంది. శుక్రవారం ఉదయానికి దేశంలో కరోనా బాధితుల సంఖ్య 6412కి చేరింది. 199మంది మృతి చెందారు. ఈ మేరకు కేంద్ర ఆరోగ్య మంత్రిత్వశాఖ బులిటెన్ విడుదల చేసింది.దేశవ్యాప్తంగా గత 24గంటల్లో కొత్తగా 33మరణాలతోపాటు పాజిటివ్‌ కేసులు భారీగా నమోదయ్యాయి.

రానున్నరోజుల్లో ఈ కేసుల సంఖ్య మరింత పెరిగే అవకాశం ఉందని కేంద్ర ప్రభుత్వం అంచనా వేస్తోంది. దేశంలో అత్యధికంగా మహారాష్ట్రలో కరోనా తీవ్రత కొనసాగుతోంది. గడచిన 24గంటల్లో ఇక్కడ 25మరణాలు సంభవించాయి.

ఇక తెలుగు రాష్ట్రాల్లోనూ కరోనా తీవ్రరూపం దాల్చుతోంది. తెలంగాణలో ఇప్పటివరకు 471 కరోనా పాజిటివ్ కేసులు నమోదయ్యాయి. మరో 12మంది మృతి చెందారు. ఏపీలో కరోనా పాజిటివ్ కేసుల సంఖ్య 363కి చేరింది. నలుగురు మృతి చెందారు.