భారత్’కు కృతజ్ఝతలు చెబుతున్న ప్రపంచ దేశాలు
మలేరియా నివారణ మందు హైడ్రాక్సీక్లోరోక్విన్‌ కరోనా చికిత్సలోనూ మంచి ఫలితాలు ఇస్తోంది. దీంతో భారత్ హైడ్రాక్సీక్లోరోక్విన్‌ ని అగ్రరాజ్యం అమెరికాతో పాటు ఇతర దేశాలకి సరఫరా చేస్తోంది. హైడ్రాక్సీక్లోరోక్విన్‌ను పంపినందుకు ఇప్పటికే అమెరికా, బ్రెజిల్‌ సహా మరికొన్ని దేశాలు ప్రధాని మోదీకి ధన్యవాదాలు తెలిపాయి. తాజాగా ఈ జాబితాలో ఇజ్రాయెల్‌ కూడా చేరింది. ఆ దేశ ప్రధాని బెంజమిన్‌ నెతన్యాహూ.. మోదీకి ప్రత్యేకంగా కృతజ్ఞతలు తెలిపారు.
“ఇజ్రాయెల్‌కు క్లోరోక్విన్‌ పంపినందుకు భారత ప్రధాని, నా ఆప్తమిత్రుడు మోదీకి ధన్యవాదాలు. ఇజ్రాయెల్‌ పౌరులంతా మీకు కృతజ్ఞతలు తెలుపుతున్నారు. కరోనా మహమ్మారి విజృంభణ ప్రారంభమైనప్పటి నుంచి నేను మోదీతో తరచూ చర్చిస్తున్నాను. పరిస్థితులపై ఎప్పటికప్పుడు చర్చలు జరుపుతున్నాం” అని నెతన్యాహూ ట్వీట్‌ చేశారు.
