తాను పవన్ భార్యను కాదు
తాను పవన్ భార్యనని కాదని క్లారిటీ ఇచ్చింది శృతిహాసన్. పవన్-శృతిహాసన్ కలిసి నటిస్తున్నారు. పవన్ రీఎంట్రీ మూవీ వకీల్ సాబ్ లో శృతిహాసన్ హీరోయిన్ అంటూ కొన్నాళ్లుగా ప్రచారం జరుగుతున్న సంగతి తెలిసిందే. తాజాగా ఈ ప్రచారంపై శృతిహాసన్ ట్విట్టర్ వేదికగా స్పందించింది.
“వకీల్ సాబ్ అవకాశం ఇలా వచ్చి వెళ్లింది. అదింకా ఫైనలైజ్ అవ్వలేదు. ఇంకా చెప్పాలంటే, వకీల్ సాబ్ లో నేను నటిస్తున్నాననేది రూమర్ కంటే ఇంకాస్త పెద్దది అనుకోవచ్చు. సో.. వకీల్ సాబ్ గురించి ఇంతకంటే ఎక్కువ మాట్లాడలేను. నేను అందులో పవన్ కు భార్యగా నటిస్తున్నానని, ఆల్రెడీ షూట్ కు వెళ్లానని అంటున్నారు. అది వాస్తవం కాదు” అని శృతి హాసన్ క్లారిటీ ఇచ్చింది.
వేణు శ్రీరామ్ దర్శకత్వంలో వకీల్ సాబ్ తెరకెక్కుతోంది. బాలీవుడ్ హిట్ పింక్ చిత్రానికి రిమేక్ ఇది. ఇందులో బిగ్ బీ అమితాబ్ పాత్రలో పవన్ కనిపించనున్నారు. ఈ చిత్రాన్ని బోనీ కపూర్ తో కలిసి దిల్ రాజు నిర్మిస్తున్నారు. మే నెల లో వకీల్ సాబ్ ని రిలీజ్ చేద్దామని భావించినా.. కరోనా ఎఫెక్ట్ తో మరింత ఆలస్యం అయ్యేలా కనిపిస్తోంది.
