పోలీసులకి విజయ్ అభినందనలు

కరోనా విజృంభిస్తున్న కఠిన సమయాన విధులు నిర్వహిస్తున్న పోలీసుపై సర్వత్రా ప్రశంసలు కురుస్తున్నాయి. ముఖ్యంగా తెలంగాణ పోలీసుల తీరుకి అందరూ ఫిదా అవుతున్నారు. ఇప్పటికే మెగాస్టార్ చిరంజీవి, సూపర్ స్టార్ మహేష్ బాబు, యంగ్ హీరో నాగ చైతన్య తెలంగాణ పోలీసులకి సెల్యూట్ చేసిన సంగతి తెలిసిందే. తాజాగా టాలీవుడ్ సంచలనం విజయ్ దేవరకొండ కూడా తెలంగాణ పోలీసులని అభినందించారు.

శనివారం తెలంగాణ డాక్టర్స్ ఫెడరేషన్ చేపట్టిన హెల్ట్ కిట్స్ పంపిణీ కార్యక్రమానికి విజయ్ దేవరకొండ హాజరయ్యారు. ఈ సందర్భంగా మాట్లాడిన విజయ్ కరోనా కలకలం రేపుతున్న సమయం లో విధులు నిర్వహిస్తున్న తెలంగాణ పోలీసులను మనస్పూర్తిగా అభినందిస్తున్నానన్నారు. మనకోసం పోలీసులు 24గంటలు పని చేస్తున్నారు. 20 రోజులు అయింది నేను బయటికి వచ్చి. లాక్ డౌన్ ఇంత విజయవంతం అవుతుంది అంటే.. అది పోలీస్ , ప్రభుత్వం వల్లే సాధ్యం అయ్యిందన్నారు. 

ప్రజలు అందరూ ఇళ్లలోనే ఉండండి. టైమ్ పాస్ కొసం రోడ్ల మీదకు వచ్చి లాక్ డౌన్ బ్రేక్ చేయవద్దని విజయ్ కోరాడు. ఇక సినిమాల విషయానికొస్తే.. ప్రస్తుతం విజయ్ ఫైటర్ సినిమా చేస్తున్నారు. పూరి జగన్నాథ్ దర్శకత్వంలో తెరకెక్కుతోంది. విజయ్ చేస్తున్న తొలి పాన్ ఇండియా సినిమా ఇది. కరోనా ఎఫెక్ట్ తో ఫైటర్ సినిమా షూటింగ్ కూడా వాయిదా పడింది.