బాలీవుడ్ హీరోయిన్ కి రష్మీ కౌంటర్‌
కరోనా ప్రభావంతో దేశంలో లాక్‌డౌన్‌ కొనసాగుతోంది. సినిమా షూటింగ్స్‌ నిలిచిపోవడంతో సినీ తారలు ఇళ్లకే పరిమితమయ్యారు. ఈ ఖాళీ సమయాల్లో సినీ తారలు నచ్చిన పనులు చేసుకొంటున్నారు. కొత్త కొత్త పనులు ట్రై చేస్తున్నారు. వాటికి సంబంధించిన వీడియోని సోషల్ మీడియాలో పోస్ట్ చేస్తున్నారు. బాలీవుడ్ స్టార్ హీరోయిన్ కూడా ఇంట్లో కేక్ రెడీ చేసారు.
‘ఇంట్లో చాక్లెట్‌ కేక్‌ను తయారుచేశానని.. అయితే కేక్ తయారుచేసే సమయానికి తన ఇంట్లో చాక్లెట్స్‌ అయిపోయాయని కాకపోతే ఫార్చ్యూన్‌ గార్మెంట్‌ ఇండియా సంస్థ వారు తాను అడిగిన వెంటనే తనికి చాక్లెట్‌ పంపించారని తెలియచేస్తూ తన సోషల్‌మీడియా వేదికగా ఓ పోస్ట్ పెట్టారు సోనమ్. దీనిపై టాలీవుడ్ యాంకర్ రష్మి స్పందించారు. ‘ఫార్చ్యూన్‌ గార్మెంట్‌ ఇండియా.. మీరు ప్రస్తుతం ఉన్న క్లిష్ట పరిస్థితుల్లో ఆమె కేక్ బేకింగ్‌కు కావాల్సిన పదార్థాలను అందించడం అంత ముఖ్యమా? ఆమెకు చాక్లెట్‌ను అందించే క్రమంలో మీరు మీ ఉద్యోగుల జీవితాన్ని ప్రమాదంలోకి నెడుతున్నారు’ కామెంట్ చేశారు.
