పోలీసులపై కోహ్లీ ప్రశంసలు
కరోనా విజృంభిస్తున్న కఠిన సమయాన విధులు నిర్వహిస్తున్న పోలీసులు, వైద్య సిబ్బందిపై సర్వత్రా ప్రశంసలు కురుస్తున్నాయి. ముఖ్యంగా పోలీసుల పనితీరుకు సినీ, క్రీడా ప్రముఖులు సెల్యూట్ చేస్తున్నారు. తాజాగా టీమిండియా కెప్టెన్ విరాట్ కోహ్లీ ఢిల్లీ పోలీసులపై ప్రశంసలు కురిపించారు. ఈ మేరకు ఓ వీడియో సందేశం విడుదల చేశారు.
‘ఈ విపత్కర పరిస్థితుల్లో దేశవ్యాప్తంగా సేవలందిస్తున్న పోలీసులు ఎంతో మందికి సాయమందిస్తున్నారని తెలిసి నా మనసు తరుక్కుపోతోంది. ఈ క్రమంలో దిల్లీ పోలీసుల సేవలు గుర్తించాలనుకుంటున్నా. వారు ఎంతో నిబద్ధతతో తమ డ్యూటీ చేయడమే కాకుండా అనేక మంది పేదల ఆకలి తీరుస్తున్నారు. ఇది చాలా మంచి పని. ఇలాగే కొనసాగించండి’ అని కోహ్లీ అన్నాడు.
