‘చిత్రలహరి’కి యేడాది.. తేజు స్పెషల్ పోస్ట్ !
వరుస ప్లాపుల్లో ఉన్న మెగా హీరో సాయిధరమ్‌ తేజ్ ని హిట్ ట్రాక్ ని ఎక్కించిన చిత్రం ‘చిత్రలహరి’. కిషోర్ తిరుమల దర్శకత్వం వహించారు. నివేదా పేతురాజుమ్, కల్యాణి ప్రియదర్శిని హీరోయిన్స్. ఓ యువకుడి ఫెల్యూర్ స్టోరీని యూత్ కి కనెక్ట్ అయ్యేలా రూపొందించారు కిషోర్ తిరుమల. ‘చిత్రలహరి’ సినిమా విడుదలై నేటికి ఏడాదైన సందర్భంగా సాయిధరమ్‌ తేజ్ ట్విటర్‌ వేదికగా ఓ స్పెషల్ పోస్ట్ పెట్టారు. తన కెరీర్‌కు విజయాన్ని అందించిన వారందరికీ ధన్యవాదాలు తెలిపారు.
“నా పేరు విజయ్‌ (చిత్రలహరి చిత్రంలో సాయిధరమ్‌ తేజ్ పాత్ర పేరు). నా పేరులో ఉన్న విజయం మీవల్లే నాకు లభించింది. నా కెరీర్‌లోనే ఎంతో అందమైన, ముఖ్యమైన చిత్రం విడుదలై నేటికి ఏడాది. మెగా అభిమానులు, సినీ ప్రియుల ప్రేమాభిమానాలకు నా ధన్యవాదాలు. ఈ విజయం నాది కాదు మీది. మీ విజయ్‌..” అని తేజ్ రాసుకొచ్చారు.
