స్విగ్గీ ఫుడ్ డెలివరీ బాయ్‌కి కరోనా
నాంపల్లిలో స్విగ్గీ ఫుడ్ డెలివరీ బాయ్‌కి కరోనా సోకింది. మార్చి 18న మర్కజ్‌ వెళ్లొచ్చిన డెలివరీ బాయ్ తండ్రికి పాజిటివ్‌గా నిర్ధారించారు. తండ్రికి పాజిటివ్ రావడంతో కుటుంబ సభ్యులకు కూడా కరోనా పరీక్షలు చేశారు. అయితే ఆలస్యంగా యువకుడికి కరోనా లక్షణాలు బయటపడ్డాయి. ఈ యువకుడు మార్చి 18 నుంచి 20 వరకు ఫుడ్ డెలివరీ చేశాడు.
ఈ నేపథ్యంలో స్విగ్గీ ఫుడ్ ఆర్డర్ చేసుకున్న వినియోగదారులు వణికిపోతున్నారు. ఆ యువకుడు ఎవరెవరికి ఫుడ్ డెలవరి చేశారు. వారి మరెవరితో కాంటాక్ట్ లోకి వెళ్లారు అన్నదానిపై పోలీసులు ఆరాతీస్తున్నారు. ఈ ఒక్క కేసులోనే పదుల సంఖ్య కరోనా పాజిటివ్ కేసులు నమోదయ్యేలా కనిపిస్తున్నాయి.
