కరోనా కట్టడి కోసం.. రక్తదానం చేసిన మెగాస్టార్ !
కరోనా కట్టడిలో మెగాస్టార్ చిరంజీవి పెద్దన్న పాత్రని పోషిస్తున్నారు. కరోనా లాక్ డౌన్ నేపథ్యంలో సినీ కార్మికులని ఆదుకునేందుకు మెగాస్టార్ ముందుకొచ్చి సిసిసి సంస్థని ఏర్పాటు చేసిన సంగతి తెలిసిందే. ఈ సంస్థకి భారీగా విరాళాలు వెలువెత్తాయ్. వాటితో సినీ కార్మికుల కోసం నిత్యవసర వస్తువులని కొనుగోలు చేసి.. వారికి పంపిణీ చేశారు.
మరోవైపు కరోనాపై ప్రజల్లో అవగాహన కల్పించేందుకు మెగాస్టార్ తనవంతు ప్రయత్నం చేస్తున్నారు. వీడియోల రూపంలో మెసేజ్ లు ఇస్తున్నారు. ట్విట్లు చేస్తున్నారు. పాటలు కూడా పాడుతున్నారు. తాజాగా కరోనా కట్టడి కొసం మెగాస్తార్ రక్తదానం కూడా చేశారు. సీఎం కేసీఆర్ పిలుపు మేరకు మెగాస్టార్ రక్తదానం చేశారు. స్వయంగా చిరంజీవి బ్లడ్ బ్యాంకుకి వెళ్లి రక్తాన్ని ఇచ్చారు. మెగాస్టార్ స్పూర్తితో ఆయన అభిమానులు కూడా కరోనా కట్టడి కోసం రక్తదానం చేసేందుకు ముందుకు వస్తున్నారు.
