రాజమౌళి వంటింటి వీడియో విడుదల ఈరోజే !
దర్శకధీరుడు రాజమౌళికి అర్జున్ రెడ్డి దర్శకుడు సందీప్ రెడ్డి వంగా ఛాలెంజ్ విసిరిన సంగతి తెలిసిందే. కరోనా లాక్ డౌన్ నేపథ్యంలో సినీ తారలు ఇంటికే పరిమితం అయ్యారు. ఈ సమయంలో ఇంటి పనులు చేయాలి. మహిళలకి సాయం చేయాలి. నిజమైన మనిషి అనిపించుకోవాలని సందీప్ జక్కన్నకి ఛాలెంజ్ విసిరాడు.
‘మనిషి ఇంటి పనులను గొప్పగా చేయగలడు. నిజమైన వ్యక్తి ఇంటి భారాన్ని కేవలం మహిళలపై వేయాలని అనుకోడు. ముఖ్యంగా ఇలా పనిమనిషి రాలేని క్వారంటైన్‌ సమయంలో అస్సలు చేయనివ్వడు. దయచేసి ఇంటి పనుల్లో మహిళలకు సహాయం చేయండి. నిజమైన మనిషిగా జీవించండి. ఇంటి పనుల్లో భాగస్వామ్యం అయ్యి మిగతావాళ్లకు ఆదర్శంగా నిలవాలని ఎస్‌ఎస్‌ రాజమౌళి గారిని కోరుతున్నా”నని సందీప్ ట్విట్ చేశారు.
దీనిపై తాజాగా రాజమౌళి స్పందించారు. ‘ఛాలెంజ్ అంగీకరించాను సందీప్. ఇంట్లో పని భారాన్ని మనం పంచుకోవడం ముఖ్యం. నేను ఈ రోజు ఇంట్లో పని చేసే ఆ వీడియోను షేర్‌ చేస్తాను.’ అంటూ రీట్వీట్‌ చేశారు. దీంతో రాజమౌళి వంటింటి వీడియో కోసం ఆయన అభిమానులు ఆసక్తిగా ఎదురు చూస్తున్నారు. ఇక సినిమాల విషయానికొస్తే.. ప్రస్తుతం రాజమౌళి ఆర్ ఆర్ ఆర్ సినిమాతో బిజీగా ఉన్న సంగతి తెలిసిందే. ఎన్టీఆర్, రామ్ చరణ్ కథానాయకులుగా పాన్ ఇండియా సినిమాగా ఆర్ ఆర్ ఆర్ తెరకెక్కుతోంది. వచ్చే యేడాది జనవరి 8న ఆర్ ఆర్ ఆర్ ప్రేక్షకుల ముందుకు రానుంది.
Challenge accepted, Sandeep!
It is important we share the work load at home and I will post my home workout tomorrow… #BetheREALMAN https://t.co/cFxRikiJJE
— rajamouli ss (@ssrajamouli) April 19, 2020
