కరోనా తాజా బులిటెన్

దేశంలో కరోనా విజృంభిస్తోంది. ప్రతిరోజూ వెయ్యికిపైగా కొత్త కరోనా కేసులు నమోదవుతున్నాయి. పదుల సంఖ్యలో మృతి చెందుతున్నారు. గడిచిన 24 గంటల్లో భారత్‌లో మరో 50మంది మృత్యువాత పడ్డారు. మరో 1383 కొత్త కేసులు నమోదు అయ్యాయి. ఈ మేరకు కేంద్ర ఆరోగ్య, కుటుంబ సంక్షేమ మంత్రిత్వ శాఖ బులిటెన్ విడుదల చేసింది.

దేశంలో ఇప్పటివరకూ మొత్తం 19,984 పాటిజివ్ కేసులు నమోదు కాగా, 640 మంది మృతి చెందారు. ప్రస్తుతం యాక‍్టివ్‌ కేసులు 15,474 ఉన్నాయి. ఇక 3,870 మంది కరోనా వైరస్‌ నుంచి కోలుకుని డిశ్చార్జి అయ్యారు. మహారాష్ట్రంలో కరోనా ప్రభావం ఎక్కువగా కనిపిస్తోంది. అక్కడ ఇప్పటివరకూ 5,218 కేసులు నమోదయ్యాయి.