బాలీవుడ్ నటుడు ఇర్ఫాన్‌ ఖాన్ ఇకలేరు
బాలీవుడ్ లో విషాదం నెలకొంది. నటుడు ఇర్ఫాన్‌ ఖాన్(54) కన్నుమూశారు. గత కొన్నేళ్లుగా ఇర్ఫాన్‌ఖాన్‌ అరుదైన క్యాన్సర్‌తో బాధపడుతున్న సంగతి తెలిసిందే. గతంలో యూకేలో క్యాన్సర్‌కు చికిత్స తీసుకున్నారు. నిన్న మరోసారి తీవ్ర అనారోగ్యానికి గురవడంతో ముంబయిలోని కోకిలాబెన్‌ ఆసుపత్రికి తరలించారు. అక్కడ చికిత్స పొందుతూ బుధవారం ఉదయం ఇర్ఫాన్‌ తుదిశ్వాస విడిచారు.
2018 మార్చిలో తన అనారోగ్య పరిస్థితిపై తొలిసారిగా ప్రకటన చేసి అభిమానులను షాక్‌కు గురిచేశారు ఇర్పాన్. క్యాన్సర్‌కు చికిత్స తీసుకున్న తర్వాత ఇర్ఫాన్‌ ‘అంగ్రేజీ మీడియం’ సినిమాలో నటించారు. అనారోగ్యం కారణంగా ఈ సినిమా ప్రమోషన్స్‌లో కూడా ఇర్ఫాన్‌ పాల్గొనలేదు. తెలుగులో ‘సైనికుడు’ చిత్రంలో ఇర్ఫాన్‌ నటించి మెప్పించారు.
