ఇర్పాన్ ఖాన్ మృతిపై మహేష్ సంతాపం
విలక్షణ నటుడు ఇర్పాన్ ఖాన్ ఆకస్మిక మృతి బాలీవుడ్ ని షాక్ కి గురి చేసింది. గత కొన్నేళ్లుగా ఇర్ఫాన్‌ఖాన్‌ అరుదైన క్యాన్సర్‌తో బాధపడుతున్న సంగతి తెలిసిందే. గతంలో యూకేలో క్యాన్సర్‌కు చికిత్స తీసుకున్నారు. కోలుకున్నట్టు కనిపించారు.
ఇటీవల ‘అంగ్రేజీ మీడియం’ సినిమాలో నటించారు. అయితే అనారోగ్యం కారణంగా ఈ సినిమా ప్రమోషన్స్‌లో కూడా ఇర్ఫాన్ పాల్గొనలేదు. నిన్న (మంగళవారం) మరోసారి తీవ్ర అనారోగ్యానికి గురవడంతో ముంబయిలోని కోకిలాబెన్‌ ఆసుపత్రికి తరలించారు. అక్కడ చికిత్స పొందుతూ ఈ ఉదయం ఇర్ఫాన్ తుదిశ్వాస విడిచారు.
బాలీవుడ్, హాలీవుడ్ లోనూ పలు సినిమాల్లో నటించారు ఇర్పాన్ ఖాన్. కానీ తెలుగులో ఆయన ఒకే ఒక్క సినిమాలో నటించారు. మహేష్ బాబు ‘సైనికుడు’ సినిమాలో నటించి మెప్పించారు. ఇర్పాన్ మృతి పట్ల మహేష్ సంతాపం తెలిపారు. ఆయన ఉన్న అనుబంధాన్ని గుర్తి చేసుకున్నారు.
‘ఇర్ఫాన్ ఖాన్ అకాల మరణం వార్త నన్ను చాలా బాధకి గురి చేసింది. అద్భుతమైన నటుడు చాలా త్వరగా చనిపోయారు. అతని మరణం తీరని లోటు … అతని కుటుంబానికి మరియు ప్రియమైనవారికి నా ప్రగాఢ సానుభూతి తెలియజేస్తున్నా’నని మహేష్ ట్విట్ చేశారు.
Deeply saddened by the news of #IrrfanKhan's untimely demise. A brilliant actor gone too soon. He will be truly missed… My heartfelt condolences to his family and loved ones. RIP 🙏🏻
— Mahesh Babu (@urstrulyMahesh) April 29, 2020
