కరోనా ఎఫెక్ట్.. సినిమాల లొకేషన్స్ మారుతున్నాయ్ !

కరోనా ఎఫెక్ట్ తో సినిమా షూటింగ్స్ కి బ్రేక్ పడింది. థియేటర్స్ బంద్ అయ్యాయ్. లాక్‌డౌన్ ఎత్తేసిన వెంటనే థియేటర్స్ తెరచుకొనేలా లేవ్. థియేటర్స్ తెరచుకోవడానికి మరో యేడాది టైం పట్టొచ్చని చెబుతున్నారు. మరోవైపు లాక్‌డౌన్ ఎత్తేసిన వెంటనే షూటింగ్స్ స్టార్ట్స్ చేసేందుకు దర్శక-నిర్మాతలుప్లాన్ చేసుకుంటున్నారు. అయితే, సినిమా లొకేషన్స్ మాత్రం మారనున్నాయి.

శివ నిర్వాణ దర్శకత్వంలో నాని హీరోగా టక్ జగదీష్ సినిమా తెరకెక్కుతోన్న సంగతి తెలిసిందే. ఇప్పటికే పొల్లాచ్చి, రాజమండ్రి షెడ్యూల్స్ పూర్తయ్యాయి. తదుపరి షెడ్యూల్స్  రాయలసీమ, కేరళ, వైజాగ్ లో చేయాల్సి ఉంది. అయితే కరోనా ఎఫెక్ట్ తో మిగితా షెడ్యూల్స్ ని మార్చబోతున్నారు.

అఖిల్ నాల్గో సినిమా మోస్ట్ ఎలిజబుల్ బ్యాచిలర్. బొమ్మరిల్లు భాస్కర్ దర్శకుడు. పూజా హెగ్డే కథానాయిక. ఈ సినిమా అమెరికా షెడ్యూల్ జరగాల్సి ఉంది. అయితే ఇప్పుడీ షెడ్యూల్ ని క్యాన్సిల్ చేసి హైదరాబాద్ రామోజీ ఫిల్మ్ సిటీలోనే కానిచ్చేయనున్నారు.  ఇలా రానా ‘విరాటపర్వం’, నాగ్ ‘వైల్డ్ డాగ్’, వెంకటేష్ ‘నారప్ప’సినిమాల లొకేషన్స్ మారనున్నాయి.