రెడ్ డబ్బింగ్ రేటు అదిరింది

ఎనర్జిటిక్ హీరో రామ్ తాజా చిత్రం ‘రెడ్’. తమిళ్‌ సూపర్ హిట్ ‘తడమ్’ రిమేక్ ఇది. ఈ చిత్రానికి కిషోర్ తిరుమల దర్శకత్వం వహిస్తున్నారు. నివేదా పేతురాజ్‌, మాళవికా శర్మ కథానాయికలు. నేను శైలజ, ఉన్నది ఒకటే జిందగి తర్వాత రామ్‌-కిశోర్‌ తిరుమల కాంబోలో వస్తున్న సినిమా ఇది. ఏప్రిల్ 9న ప్రేక్షకుల ముందుకు రావాల్సిన రెడ్ కరోనా ఎఫెక్ట్ తో వాయిదా పడింది. 

ఇక ఈ సినిమాకి హిందీ డబ్బింగ్ రేటు రూ. 12 కోట్ల ఆఫర్ వచ్చినట్లు సమాచారమ్. రామ్ సినిమాలు యూట్యూబ్ లో బాగా ఆడుతాయి. రామ్ గత సినిమా ఇస్మార్ట్ శంకర్ హిందీ డబ్బింగ్ సరికొత్త రికార్డులు సృష్టించిన సంగతి తెలిసిందే. ఈ నేపథ్యంలో రెడ్ హిందీ డబ్బింగ్ రైట్స్ కి బంపర్ ఆఫర్ దక్కిందని చెబుతున్నారు. ఇక రెడ్ సినిమాని ఓటీటీలో రిలీజ్ చేస్తారనే ప్రచారం కూడా జరుగుతోంది. అయితే అదేంలేదు. థియేటర్స్ లో రెడ్ రిలీజ్ ఉంటుందని ఇప్పటికే రామ్ క్లారిటీ ఇచ్చారు.