టాలీవుడ్’లో ‘అదితి’ హవా.. !
మణిరత్నం ‘చెలియా’ సినిమాతో తెలుగు తెరకు పరిచయమయ్యింది బాలీవుడ్ హీరోయిన్ అదితి రావు. ఈ సినిమా ఫలితం పక్కన పెడితే అదితి నటనకు మంచి మార్కులే పడ్డాయి. ఆ క్రేజీతోనే ఇప్పుడు సౌత్ బిజీ అయిపోతుంది. ఇప్పటికే తెలుగులో ఆమె రెండు సినిమాలు చేస్తోంది. ఈ రెండు కూడ క్రేజీ ప్రాజెక్టులే కావడం విశేషం.
తేజ దర్శకత్వంలో విక్టరీ వెంకటేష్ హీరోగా ఓ సినిమా తెరకెక్కునున్న సంగతి తెలిసిందే. ఈ సినిమా కోసం “ఆటా నాదే వేటా నాదే” టైటిల్ ని ఫైనల్ చేశారు. హీరోయిన్స్ గా అనుష్క, కాజల్, నిత్యామీనన్ పేర్లు వినబడ్డాయి. చివరికి ఆ అవకాశం బాలీవుడ్ హీరోయిన్ అదితి రావుకు దక్కింది.
జెంటిల్ మన్, అమీ తుమీ సినిమాల హిట్స్’తో మంచి ఫాంలో ఉన్న దర్శకుడు ఇంద్రగంటి మోహన కృష్ణ. ఆయన సుధీర్ బాబు హీరోగా ఓ సినిమాని తెరకెక్కిస్తున్నారు. దీనికి “సమ్మోహనం” టైటిల్ ని ఫిక్స్ చేశారు. ఈ సినిమాలో హీరోయిన్’గా అదితి రావు నటిస్తుంది. మొత్తంగా.. ఏకకాలంలో తెలుగులో రెండు ఆఫర్లని కొట్టేసిన అదితి రావు.. ఇక్కడ తన హవాని స్టార్ట్స్ చేసినట్టుగానే కనబడుతోంది. సీనియర్ హీరోలకు హీరోయిన్స్ కరువైన.. ఇలాంటి సమయంలో అదితి మంచి ఆప్షన్ కానుందని చెబుతున్నారు.
