తారక్.. 4మిలియన్ ఫాలోయింగ్ !

యంగ్ టైగర్ ఎన్టీఆర్ ఫాలోయింగ్ ఎట్టుట్టదో ప్రత్యేకంగా చెప్పనక్కర్లేదు. మాస్, క్లాస్, యూత్ అనే తేడానే లేదు. అందరు తారక్ అంటే ఇష్టపడతారు. పడిచచ్చేంత ప్రేమని చూపిస్తారు.  ఆయన సినిమా వచ్చిందంటే.. ఓ పండగొచ్చినట్టే. సోషల్ మీడియాలోనూ తారక్ కి మంచి క్రేజ్ ఉంది. సోషల్ మీడియాలో తారక్ గడిపే సమయం చాలా తక్కువ. కానీ, ఆయన ఏ ఫోస్ట్ పెట్టిన మంచి స్పందన వస్తుంటుంది. ఇటీవల కాలంలో తారక్ ట్విట్టర్ ఫాలోవర్స్ సంఖ్య భారీగా పెరిగింది. తాజాగా ఆయన ఫాలోవర్స్ సంఖ్య 4మిలియన్ కి చేరింది.

ప్రస్తుతం తారక్ ‘ఆర్ఆర్ఆర్’ సినిమాతో బిజీగా ఉన్నారు. ఇందులో తారక్ కొమరం భీమ్ పాత్రలో కనిపించనున్నారు. ఆయనకి జోడిగా హాలీవుడ్ బ్యూటీ ఓలివియా మోరీస్ కనిపించనున్నారు. ఈ నెల 20న తారక్ బర్త్ డే కానుకగా ఆర్ ఆర్ ఆర్ నుంచి రామరాజు ఫర్ భీమ్ టీజర్ రాబోతుంది. ఈ టీజర్ కోసం తారక్ అభిమానులు వెయ్యి కళ్లతో ఎదురు చూస్తున్నారు. ఇక కరోనా ప్రభావంతో వాయిదా పడిన ఆర్ ఆర్ ఆర్ షూటింగ్.. ఆ ప్రభావం తగ్గగానే తిరిగి ప్రారంభం కానుంది.