ఆ ఇద్దరు పవన్ కి సరిపోతారు

‘గబ్బర్ సింగ్’ కాంబోలో మరో సినిమా రాబోతున్న సంగతి తెలిసిందే. హరీష్ శంకర్ దర్శకత్వంలో పవన్ సినిమా రాబోతుంది. ప్రస్తుతం పవన్ ‘వకీల్ సాబ్’ సినిమాతో బిజీగా ఉన్నారు. ఆ తర్వాత క్రిష్ దర్శకత్వంలో ఓ సినిమా చేయనున్నారు. ఈ రెండు సినిమాలు పూర్తయిన తర్వాత హరీష్ శంకర్ దర్శకత్వంలో పవన్ సినిమా ఉండనుంది.

ఇప్పుడీ సినిమాలో హీరోయిన్ ఎవరైతే బాతుంటుంది ? అనే చర్చ సాగుతోంది. పవన్ కోసం హీరోయిన్ ని వెతికే పనిలో ఆయన అభిమానులు ఉన్నారు. ఇప్పటికే పవన్ కి జంటగా మలయాళ బ్యూటీ మానస రాధాకృష్ణన్ అయితే బాగుంటుందని చెప్పారు. ఆమె పేరుని సోషల్ మీడియాలో వైరల్ చేశారు. తాజాగా పవన్  కోసం మరో హీరోయిన్ ని అభిమానులు ఫైనల్ చేశారు. ఆమె ఎవరో కాదు.. అనుపమ పరమేశ్వరన్. ఈ ఇద్దరు మలయాళ ముద్దుగుమ్మలు పవన్ పక్కన సరిగ్గా సరిపోతారని అభిమానులు చెబుతున్నారు. మరీ.. వారి అభిప్రాయాలని దర్శకుడు హరీష్ శంకర్ పరిగణలోకి తీసుకుంటారు. పవన్ పక్కన వీరికి ఛాన్స్ ఇస్తాడా ? అన్నది చూడాలి.