కరోనా కొత్త కేసులు : APలో 57, TSలో 41
తెలుగు రాష్ట్రాల్లో కరోనా విజృంభణ కొనసాగుతోంది. అయితే ఏపీతో పొలిస్తే తెలంగాణ కరోనా ప్రభావం కాస్త తక్కువగానే ఉంది. గడచిన 24 గంటల్లో ఏపీలో 57 కొత్త కరోనా పాజిటివ్ కేసులు నిర్ధారణ అయినట్టు వైద్య ఆరోగ్యశాఖ బులిటెన్ లో తెలిపింది. దీంతో రాష్ట్ర వ్యాప్తంగా ఇప్పటి వరకు నమోదైన పాజిటివ్ కేసుల సంఖ్య 2339కి చేరింది. ఇప్పటి వరకు రాష్ట్ర వ్యాప్తంగా మృతి చెందిన వారి సంఖ్య 52కి చేరింది.
తెలంగాణలో కొత్తగా 41 కరోనా పాజిటివ్ కేసులు నమోదయ్యాయి. వీటిలో జీహెచ్ ఎంసీ పరిధి నుంచి 26 కేసులు వచ్చాయి. మేడ్చల్ జిల్లా నుంచి మరో మూడు నమోదు అవ్వగా… 12 మంది వలస కార్మికులకు కరోనా సోకిందని రాష్ట్ర వైద్యారోగ్యశాఖ వెల్లడించింది. దీంతో మొత్తం కేసుల సంఖ్య 1,592కి చేరింది. ఇప్పటి వరకు 34 మంది రాష్ట్రంలో మరణించారు.
