హ్యాపీ బర్త్ డే.. టైగర్ !

టాలీవుడ్ నెం.1 ఎవరు  ? అంటే ఓ నాలుగైదు పేర్లు వినిపించొచ్చు. వీరిలో ఒకరు అంటూ.. పోటీ ఉండొచ్చు. కానీ టాలీవుడ్ ఉత్తమ నటుడు ఎవరు ? అని ఆ ఐదుగురుని అడిగితే చెప్పే ఒకే పేరు ఎన్టీఆర్.. యంగ్ టైగర్ ఎన్టీఆర్. తాతకి తగ్గ తనయుడు అనిపించుకున్నాడు. మాస్, క్లాస్, కామెడీ, ఎమోషన్.. పాత్ర ఏదైనా పరకాయ ప్రవేశం చేస్తారు తారక్.

తెరపై ఆయన టెంపర్ చూసి జై కొట్టాల్సిందే. టైగర్ నట విశ్వరూపానికి బాక్సాఫీస్ రికార్డులు బద్దలు కావాల్సిందే. తారక్ తప్ప ఈ పాత్ర లోతుని ఇంకెవ్వరు టచ్ చేయలేడని చెప్పుకోవాల్సిందే. అంతలా జీవించేస్తాడు తారక్. ఇక తారక్ డ్యాన్స్ గురించి ప్రత్యేకంగా చెప్పనక్కర్లేదు. సింగిల్ టేక్ నటుడు. అభిమానులని అమితంగా ఇష్టపడే హీరో తారక్.. పుట్టినరోజు నేడు. ఈ సందర్భంగా ఆయన శుభకాంక్షలు తెలియజేస్తోంది.. మీ టీఎస్ మిర్చి డాట్ కామ్. #HappyBirthdayTiger

ప్రస్తుతం ఎన్టీఆర్ ‘ఆర్ఆర్ఆర్’ సినిమాతో బిజీగా ఉన్నారు. ఇందులో తారక్ కొమరం భీమ్ పాత్రలో కనిపించనున్నారు. ఆయనకి జోడిగా హాలీవుడ్ హీరోయిన్ ఓలివియా మోరీస్ నటించనుంది. తారక్ నటిస్తున్న తొలి పాన్ ఇండియా సినిమా ఇది. ఆర్ ఆర్ ఆర్ తర్వాత త్రివిక్రమ్ దర్శకత్వంలో తారక్ సినిమా ఉండనుంది. ఆ తర్వాత కేజీఎఫ్ దర్శకుడు ప్రశాంత్ నీల్ దర్శకత్వంలో తారక్ సినిమా ఉండనుందనే ప్రచారం జరుగుతోంది. దీనిపై అధికారిక ప్రకటన రావాల్సి ఉంది.