బన్నీ సినిమాలో విలన్’గా రోజా
సీనియర్ హీరోయిన్, ఎమ్మెల్యే రోజా విలన్ గా టర్న్ తీసుకోవడానికి రెడీగా ఉంది. బాలయ్య-బోయపాటి హ్యాట్రిక్ సినిమాలో రోజానే విలన్ అనే ప్రచారం జరుగుతోంది. దీనిపై ఇంకా క్లారిటీ రావాల్సివుంది. ఇంతలో బన్నీ సినిమాలో రోజా విలన్ గా కనిపించనుంది. బన్నీ-సుక్కుల హ్యాట్రిక్ చిత్రం ‘పుష్ప’ సినిమాలో విలన్ పాత్ర కోసం రోజాని తీసుకొన్నారనే న్యూస్ బయటికొచ్చింది.
‘పుష్ప’లో విలన్ పాత్ర కోసం కోలీవుడ్ స్టార్ విజయ్ సేతుపతిని తీసుకున్నారు. అయితే పుష్ప పాన్ ఇండియా సినిమాగా టర్న్ తీసుకోవడంతో విజయ్ సినిమా నుంచి తప్పుకున్నారు. ఎందుకంటే ? తమిళ్ లో తప్ప మిగితా బాషల్లో మాత్రమే విలన్ గా నటించాలనే రూల్ ని పెట్టుకున్నాడు విజయ్. ఆ రూల్ ని పుష్ప బ్రేక్ చేయనుందని.. తప్పుకున్నారు. అప్పటి నుంచి విలన్ పాత్ర కోసం వేట మొదలెట్టిన సుకుమార్.. ఫైనల్ గా రోజాని ఫైనల్ చేసినట్టు సమాచారమ్. అయితే దీనిపై చిత్రబృందం నుంచి అధికారిక ప్రకటన రావాల్సి ఉంది.
ఎర్రచందనం స్మగ్లింగ్ నేపథ్యంలో ‘పుష్ప’ తెరకెక్కనుంది. ఇందులో బన్నీ లారీ డ్రైవర్ పాత్రలో కనిపించనున్నారు. ఆయనకి జంటగా రష్మిక మందన నటించనుంది. వీరిద్దరు చిత్తూరు యాసలో మాట్లాడనున్నారు. ఈ సినిమాకి దేవి శ్రీ ప్రసాద్ సంగీతం అందిస్తున్నారు. ఇందులో ఐటమ్ సాంగ్ కోసం బాలీవుడ్ బ్యూటీ దిశా పటానీని తీసుకున్నట్టు సమాచారమ్.
